Сёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна мова, якая завецца роднай. Вельмі важна шанаваць і вывучаць мову свайго народа.

3 верасня ў філіяле “Войткавіцкая сельская бібліятэка”, да Дня беларускага пісьменства і друку, адбылася гутарка-прысвячэнне «Мова родная, сябруй са мной».  Удзельнікі праслухалі гісторыю станаўлення нашай мовы, пагарталі каляровыя старонкі вядомага часопіса «Вяселка» і пазнаёміліся з цікавымі артыкуламі і творамі сучасных аўтараў.

З захапленнем хлопчыкі і дзяўчынкі ўдзельнічалі ў конкурсах, адгадвалі загадкі, задачкі, шарады, перакладалі словы з беларускай мовы на рускую, высвятлялі, хто хучэй прагаворыць скарагаворку.

На працягу дня дзейнічала  кніжная выстава “Вялікі кніжны шлях”.