«Волковысская районная библиотека»

21 лютага да Мiжнароднага дня роднай мовы ў фiлiяле “Шылавіцкая  сельская бібліятэка” прайшоў бібліятэчны ўрок “Любі, шануй, ведай роднае слова!”. Мерапрыемства праходзiла з мэтай выхавання любовi да роднай мовы, цiкавасцi да моўнага багацця беларускага народа. Бiблiятэкар Данько Марына Станіславаўна расказала гicторыю свята – Мiжнароднага дня роднай мовы. Падчас мерапрыемства  ўдзельнікі пазнаёміліся з гісторыяй і культурай роднай мовы, дазналіся, што родная мова — генетычны код любой нацыі, які патрэбна любіць, шанаваць і берагчы.

21 лютага для вучняў Сярэдняй школы в.Ізабелін адбылася гульня–віктарына “Таямніцы беларускіх слоў”, прысвечаная Міжнароднаму дню роднай мовы.

Мова — гэта вялікі народны скарб. Яго нельга не паважаць, як нельга не паважаць родны народ. 21 лютага бібліятэкар філіяла “Мацвееўская сельская бібліятэка” правяла ўрок роднай мовы “Мова продкаў згаснуць не можа”, прысвечаны  Міжнароднаму дню роднай мовы. На мерапрыемтва былі запрошаны вучні 5 класа Мацвееўскай сярэдняй школы.

21 лютага ў свеце адзначаецца Міжнародны дзень роднай мовы. Сёння ў нашым рознакаляровым і рознагалосым свеце налічваецца больш за шэсць тысяч моў. Палова з іх знаходзіцца пад пагрозай знікнення. Менавіта дзеля іх захавання і быў абвешчаны Дзень роднай мовы.

Мова... Наша родная мова... Колькі мілагучнасці, таемнасці ў гэтым слове. Мова – гэта тое, без чаго не можа жыць ніводны чалавек.

19 лютага, напярэдадні Міжнароднага дня роднай мовы у філіяле “Гарадская бібліятэка №46” для выхаванцаў дзіцячага садка №11 прагучаў урок-прызыў “Да мовы роднай крок зрабі”.

Да Міжнароднага дня роднай мовы 18 лютага ў філіяле “Воўпаўская сельская бібліятэка” прайшла гадзіна роднай мовы “Мая беларуская звонкая мова”.