Уборачная кампанія на сельскагаспадарчых палетках РСКУП “Ваўкавыскае” пачалася  па старадаўнім беларускім звычаю – з зажынак. А правялі абрад супрацоўнікі Вярэйкаўскага Дома культуры з удзелам бібліятэкара Вярэйкаўскай сельскай бібліятэкі.

Нашы продкі з вялікай павагай адносіліся да гэтага свята, таму што добры ўраджай даваў магчымасць людзям жыць добра і гадаваць дзяцей.

 Жнейкі зжалі сярпамі першы сноп раллі і ўручылі дырэктару РСКУП, які са словамі прывітання, з добрымі пажаданнямі і надзеяй на вялікі ўраджай звярнуўся да работнікаў. Настаяцелі храмаў праваслаўнай і каталіцкай канфесій  перад выхадам у поле асвяцілі тэхніку.

Работнікі Дома культуры парадавалі хлебаробаў святочным канцэртам.